ماڈل، اداکارہ و میزبان متھیرا نے کہاہے کہ وہ پاکستانی ڈرامے نہیں دیکھتیں اس لئے وہ درفشاں سلیم کو بھی نہیں جانتیں۔سوشل میڈیا پر وائرل مختصر ویڈیو میں اداکارہ نے کہا کہ ہانیہ عامر کے ساتھ بلال عباس خان اچھے لگیں گے، دونوں ہی اچھے اداکار ہیں۔ان کا کہنا تھا کہ یشمی گل کے ساتھ سمیع خان اچھے لگیں گے جب کہ یمنی زیدی کے ساتھ احسن خان اچھے دکھائی دیں گے۔جب ان سے درفشاں سلیم سے متعلق پوچھا گیا تو وہ خاموش ہوگئیں اور سوچ میں پڑگئیں کہ وہ کون ہیں؟میزبان نے متھیرا کو کہا کہ وہ در فشاں سلیم کو نہیں جانتیں؟ جو آج کل بہت مشہور ہو رہی ہیں اور ان کے ہر جگہ چرچے ہیں؟اس پر متھیرا نے نفی میں جواب دیا کہ وہ پاکستانی ڈرامے نہیں دیکھتیں، اس لیے مذکورہ اداکارہ کو نہیں جانتیں۔متھیرا نے بتایا کہ ان کے گھر میں پاکستانی ڈرامے نہیں چلتے، صرف نیٹ فلیکس دیکھا جاتا ہے۔متھیرا کی جانب سے درفشاں سلیم کو نہ پہچان پانے کی مختصر ویڈیو وائرل ہوگئی اور اس پر لوگوں نے حیرانگی کا اظہار کیا کہ متھیرا معروف اداکارہ کو نہیں پہنچانتیں؟

کریڈٹ: انڈیپنڈنٹ نیوز پاکستان-آئی این پی