معروف اداکارہ درفشاں سلیم اور قومی کرکٹ ٹیم کے کپتان بابر اعظم کی آن اسکرین جوڑی مداحوں کو بھا گئی ہے۔ بابر اعظم اور درِ فشاں سلیم نے حال ہی میں ایک سم کارڈ کی تشہیر میں کام کیا ہے۔اس تشہیر کا ڈیجیٹل میڈیا پر آنا ہی تھا کہ دونوں معروف شخصیات کے مداح اس پر بہت خوش ہیں۔سوشل میڈیا پلیٹ فارمز پر وائرل اس تشہیری ویڈیو کو انٹرنیٹ صارفین کی جانب سے تاحال ہزاروں بار لائیک اور اس پر سیکڑوں بار تبصرے کیے جا چکے ہیں۔آن اسکرین پر اس جوڑے کو ایک ساتھ بے حد پسند کیا جا رہا ہے۔سوشل میڈیا صارفین ناصرف اس جوڑی کو ایک ساتھ پسند کر رہے ہیں بلکہ ان کی اداکارانہ صلاحیتوں کی بھی خوب تعریف کر رہے ہیں۔

کریڈٹ: انڈیپنڈنٹ نیوز پاکستان-آئی این پی