نیوزی لینڈ کیخلاف سیریز کے دوسرے ٹی20 میچ میں قومی ٹیم کے کپتان سلمان علی آغا مڈل آرڈر بیٹر بابراعظم کا ریکارڈ توڑنے سے محروم رہ گئے۔ڈونیڈن میں کھیلے گئے میچ میں کپتان سلمان علی آغا نے قومی ٹیم کو مشکل صورتحال سے نکالتے ہوئے 28 گیندوں پر 46 رنز کی اننگز کھیلی تاہم وہ اپنی ففٹی سے محروم رہے اور سابق کپتان بابراعظم کا ریکارڈ بھی نہ توڑ سکے۔سلمان علی آغا اگر نیوزی لینڈ کیخلاف نصف سنچری سکور کرنے میں کامیاب ہوجاتے تو وہ بابراعظم کے بعد ٹی 20 میں کیویز کے خلاف ففٹی سکور کرنیوالے پہلے کپتان بن جاتے۔بابراعظم پاکستان کے آخری ٹی 20 کپتان تھے جنہوں نے کیویز کے خلاف ففٹی پلس سکور کیا تھا۔یہ آخری موقع تھا جب کسی پاکستانی کپتان نے ففٹی پلس سکور کیا تھا اور سلمان علی آغا کے پاس اس کارنامے کا مقابلہ کرنے کا موقع تھا لیکن وہ محض 4 رنز سے یہ کارنامہ سرانجام دینے سے محروم رہے۔

کریڈٹ: انڈیپنڈنٹ نیوز پاکستان-آئی این پی