پاکستان کرکٹ بورڈ(پی سی بی)نے جنوبی افریقہ کے آئندہ دورے کیلئے پاکستان ویمنز کرکٹ ٹیم کے ون ڈے اور ٹی ٹوئنٹی انٹرنیشنل اسکواڈز کا اعلان کر دیا ہے، فاطمہ ثنا دونوں فارمیٹس میں قومی ویمنز ٹیم کی قیادت جاری رکھیں گی، دورہ 10 فروری سے شروع ہوگا۔ یہ دورہ جون 2026 میں شیڈول آئی سی سی ویمنز ٹی ٹوئنٹی ورلڈ کپ کی تیاریوں کا اہم حصہ قرار دیا جا رہا ہے۔ سائرہ جبین اور ہمنا بلال کو پہلی بار ٹی ٹوئنٹی انٹرنیشنل اسکواڈ میں شامل کیا گیا ہے۔ اوپننگ بیٹر عائشہ ظفر، گل فیروزہ، بائیں ہاتھ کی فاسٹ بولر تسمیہ رباب اور وکٹ کیپر بیٹر ناجیہ علوی کی ون ڈے اسکواڈ میں واپسی ہوئی ہے، عالیہ ریاض، عائشہ ظفر، گل فیروزہ، منیبہ علی، نشرا سندھو، نٹالیہ پروائز، رامین شمیم، سعدیہ اقبال، سدرہ امین اور تسمیہ رباب دونوں فارمیٹس کے اسکواڈز میں شامل ہیں۔ڈیانا بیگ، ناجیہ علوی، صدف شماس اور سیدہ عروب شاہ صرف ون ڈے اسکواڈ کا حصہ ہوں گی، جبکہ ہمنا بلال، سائرہ جبین، طوبی حسن اور ایمن فاطمہ صرف ٹی ٹوئنٹی اسکواڈ میں شامل کی گئی ہیں۔دورے کے دوران قومی ویمنز ٹیم کی مینٹور وہاب ریاض ہوں گی

جبکہ کوچنگ اسٹاف میں عمران فرحت (بیٹنگ کوچ) ، امید آصف (فاسٹ بولنگ کوچ )، عبد الرحمن (اسپن بولنگ کوچ) اور عبدالمجید (فیلڈنگ کوچ) شامل ہیں۔سیریز سے قبل تربیتی کیمپ یکم سے 6 فروری تک کراچی کے حنیف محمد ہائی پرفارمنس سینٹر میں منعقد ہوگا۔ٹی ٹوئنٹی میچز 10 سے 16 فروری تک پوچیفسٹروم، بینونی اور کمبرلی میں کھیلے جائیں گے اور تمام میچز ڈے نائٹ ہوں گے۔ اس کے بعد ون ڈے سیریز سے قبل 19 فروری کو کمبرلی میں 50 اوورز کا وارم اپ میچ کھیلا جائے گا۔ تین ون ڈے میچز 22 فروری سے یکم مارچ تک بلوم فونٹین، سینچورین اور ڈربن میں ہوں گے، جن میں دوسرا ون ڈے ڈے نائٹ ہوگا قومی ٹی ٹوئنٹی اسکواڈ میں فاطمہ ثنا(کپتان )، عالیہ ریاض، عائشہ ظفر، ایمن فاطمہ، گل فیروزہ (وکٹ کیپر) ، ہمنا بلال، منیبہ علی (وکٹ کیپر)، نشرا سندھو، نٹالیہ پروائز، رامین شمیم، سعدیہ اقبال، سائرہ جبین، سدرہ امین، تسمیہ رباب، طوبی حسن، قومی وویمن ون ڈے اسکواڈ:فاطمہ ثنا (کپتان )، عالیہ ریاض، عائشہ ظفر، ڈیانا بیگ، گل فیروزہ، منیبہ علی (وکٹ کیپر) ، ناجیہ علوی (وکٹ کیپر)، نشرا سندھو، نٹالیہ پروائز، رامین شمیم، صدف شماس، سعدیہ اقبال، سدرہ امین، سیدہ عروب شاہ، تسمیہ رباب شامل ہیں۔

کریڈٹ: انڈیپنڈنٹ نیوز پاکستان-آئی این پی