چترال کی وادی مداکلشت سے تعلق رکھنے والی ایتھلیٹ عزیزہ گل فرسٹ ایئر کی سٹوڈنٹ ہیں اورتعلیم کے ساتھ ساتھ سکی میں ملک کا نام روشن کر رہی ہیں۔انہیں دو مرتبہ نیشنل چیمپئین رہنیکا اعزاز بھی حاصل ہے،وہ تین گولڈ میڈل اور ایک کانسی کا تمغہ بھی جیت چکی ہیں۔ قلعہ بالاحصارپشاورمیں انسپکٹرجنرل فرنٹیئرکورنارتھ نے عزیزہ گل کوسکی کے مقابلوں میں قومی اور بین الاقوامی سطح پرچترال کانام روشن کرنے پر مبارکباد دی اور خصوصی انعام سے نوازا۔عزیزہ گل نے 2024میں چائنہ میں منعقد ہونیوالی بتیسویں ایشین الپائن سکی چیمپئین شپ میں بھی پاکستان کی نمائندگی کی،سکی کے کھیل میں عزیزہ گل کی کامیابیوں کا یہ سفر جاری ہے۔

کریڈٹ: انڈیپنڈنٹ نیوز پاکستان-آئی این پی