برطانوی ٹی20لیگ ڈی ہنڈریڈ کے چوتھے ایڈیشن کیلئے پلئیرز ڈرافٹ میں 65پاکستانی کھلاڑیوں کی رجسٹریشن ہوگئی۔رپورٹس کے مطابق 20مارچ کو ہونے والے پلئیرز ڈرافٹ میں 60مینز کرکٹرز جبکہ 5ویمنز کھلاڑی شامل ہیں، فرنچائز نے محض دو پاکستانی کھلاڑیوں کو برقرار رکھا ہے جن میں مانچسٹر اوریجنل اسامہ میر جبکہ ویلش فائر کے حارث رئوف شامل ہیں۔ڈرافٹ میں حسن علی، نسیم شاہ کی ریزرو پرائس ایک لاکھ پائونڈز مقرر کی گئی ہے جو مہنگے ترین کرکٹرز میں شامل ہیں۔دیگر کھلاڑیوں میں شاداب خان اور افتخار احمد کی ریزرو پرائس 75ہزار پائونڈ، محمد عامر، صائم ایوب، عامر جمال اور عبداللہ شفیق کی بیس پرائس 60ہزار جبکہ فخر زمان، محمد حارث اور عماد وسیم کی ڈرافٹ میں ریزرو پرائس 50ہزار پائونڈ ہے۔ 40ہزار پائونڈز کی ریزرو پرائس کھلاڑیوں میں میر حمزہ، محمد حسنین اور اعظم خان شامل ہیں جبکہ 46پاکستانی پلیئرز بغیر ریزرو پرائس کے رجسٹر ہوئے ہیں۔ جن میں سلمان آغا، ابرار احمد ، عمر اکمل اور آصف علی، حیدر علی، عمر امین، فہیم اشرف اور شاہنواز داہانی کے نام بھی بغیر ریزرو پرائس رجسٹر ہوئے۔زمان خان، شان مسعود، محمد نواز، رومان رئیس، سعود شکیل، حنین شاہ اور وسیم جونیئر کے نام بھی بغیر ریزروڈ پرائس پاکستانی کھلاڑیوں میں شامل ہیں۔ویمنز کرکٹرز میں ارم جاوید، ندا ڈار اور فاطمہ ثنا 17ہزار 500پائونڈ کی ریزرو پرائس کے ساتھ رجسٹر ہوئیں جبکہ عالیہ ریاض اور جویریہ رف بغیر ریزرو پرائس کے ڈرافٹ میں شامل ہیں۔دی ہنڈریڈ کا چوتھا ایڈیشن جولائی میں شروع ہوگا، چوتھے ایڈیشن میں مینز اور ویمنز کی 8-8ٹیمیں حصہ لیں گی، ایونٹ کا پہلا میچ 23جولائی کو لارڈز کے کرکٹ گرائونڈ میں برمنگھم فینیکس اور اوول انوینسیبلز کے درمیان کھیلا جائے گا۔

کریڈٹ: انڈیپنڈنٹ نیوز پاکستان-آئی این پی