فاسٹ بولر حسن علی کا کہنا ہے کہ چیمپئنز ٹرافی کے لیے پاکستان کا اسکواڈ میرے لیے بہترین ہے اور اسے ہی سپورٹ کرنا چاہیے۔لاہور میں گفتگو کرتے ہوئے حسن علی نے کہا کہ 2017 کی چیمپئنز ٹرافی کی یادیں اب بھی تازہ ہیں، چیمپئنز ٹرافی جیتنے کا وہ لمحہ ہم کبھی نہیں بھلا سکتے، اس وقت نوجوان کھلاڑی ٹیم میں اپنی جگہ بنانے کے لیے کوشاں تھے۔حسن علی نے کہا کہ بڑی خوش آئند بات ہے کہ اب چیمپئنز ٹرافی پاکستان میں ہو رہی ہے، نوجوان ٹیلنٹ کے لیے ایونٹ کا یہاں ہونا بہت ضروری تھا، مجھے امید ہے کہ چیمپئنز ٹرافی میں پاکستان ٹیم اچھا کھیلے گی۔انہوں نے کہا کہ چیمپئنز ٹرافی کے لیے میرا یہی بہترین اسکواڈ ہے، انہی کھلاڑیوں کو سپورٹ کرنا چاہیے کوئی اگر مگر نہیں ہونا چاہیے۔حسن علی نے اپنی 4 سیمی فائنلسٹ ٹیموں میں پاکستان، بھارت، نیوزی لینڈ اور آسٹریلیا کو شامل کیا ہے۔

کریڈٹ: انڈیپنڈنٹ نیوز پاکستان-آئی این پی