i کھیل

چیمپئنز ٹرافی کا میزبان تو پاکستان ، لیکن ہوم ایڈوانٹیج بھارت کو حاصل ہے،ناصر حسینتازترین

February 26, 2025

انگلینڈ کے سابق کپتان ناصر حسین نے کہا کہ چیمپئنز ٹرافی کا میزبان تو پاکستان ہے، لیکن ہوم ایڈوانٹیج بھارت کو حاصل ہے۔قبل ازیں سابق کپتان مائیکل اتھرٹن کا کہنا تھا کہ بھارت کو اپنے حریفوں کے برعکس نئی کنڈیشنز اور سفر کے چیلنجز سے نمٹنے کی ضرورت نہیں ہے۔ انہوں نے کہا کہ بھارتی ٹیم کو ایک ہی وینیو پر کھیلنے کے باعث دوسری ٹیموں پر اہم برتری حاصل ہے۔واضح رہے کہ اس سے قبل آسٹریلوی کپتان پیٹ کمنز نے کہا تھا کہ میرے خیال میں یہ اچھی بات ہے کہ ٹورنامنٹ آگے بڑھ سکتا ہے اور ظاہر ہے کہ بھارت کو ایک وینیو پر کھیلنے سے بہت بڑا ایڈوانٹیج حاصل ہے۔

کریڈٹ: انڈیپنڈنٹ نیوز پاکستان-آئی این پی