معروف اداکارہ روبی انعم نے کہا ہے کہ بشری انصاری اور ثروت عتیق کی پرستار ہوں، دونوں برجستہ جملے بازی میں اپنا ثانی نہیں رکھتیں۔ ایک انٹرویو میں اداکارہ نے کہا کہ کسی بھی لکھاری کا قلم بہت طاقت رکھتا ہے اگر اس کا مثبت استعمال کیا جائے تو اس سے معاشرے میں بڑی تبدیلیاں رونما ہو سکتی ہیں۔ روبی انعم نے کہا کہ سٹیج ڈرامے کے حوالے سے سوچ بچار کرنے کی ضرورت ہے۔ اور اس کیلئے سینئر دوستوں کو مل بیٹھنا چاہیے تاکہ اسے اس کی اصل شکل دی جا سکے۔حکومت کو بھی چاہیے کہ سٹیج ڈرامے کے ذریعے اصلاح کا کام لے اور اس کیلئے جوائنٹ ونچر کیا جائے جس سے نہ صرف ہمارے معاشرے کے مسائل سامنے آ ئیں گے بلکہ ڈرامے کے کرداروں کے ذریعے ان کا حل بھی پیش کیا جاسکے گا۔

کریڈٹ: انڈیپنڈنٹ نیوز پاکستان-آئی این پی