معروف اداکارہ صنم سعید نے ایک بار پھر اپنی ویب سیریز برزخ کا دفاع کرتے ہوئے کہا ہے کہ ڈرامے کو ایک بار مکمل دیکھنے کے بعد ناقدین کوکہانی سمجھ آئے گی۔ ایک انٹرویو میں اداکارہ نے اپنی متنازع ویب سیریز برزخ کی تعریفیں کیں اور کہا کہ اس کی نہ صرف عکس بندی کمال کی ہے بلکہ اس کے کردار اور کہانی بھی شاندار ہے۔انہوں نے کہا کہ جتنی توقع تھی، اس سے زیادہ برزخ کو پذیرائی اور محبت ملی لیکن بعض لوگوں کو ابھی تک کہانی سمجھ نہیں آ رہی۔انہوں نے کہا کہ جو لوگ برزخ پر تنقید کر رہے ہیں، وہ اسے مکمل دیکھیں اور تمام مواد کو آپس میں جوڑیں تو انہیں نہ صرف کہانی کا خلاصہ ملے گا بلکہ انہیں کہانی بھی سمجھ میں آئے گی۔

کریڈٹ: انڈیپنڈنٹ نیوز پاکستان-آئی این پی