برازیل اور امریکا کی فٹ بال ٹیمیں پیرس اولمپکس گیمز میں خواتین کے فٹ بال ایونٹ میں طلائی تمغے کے لئے(آج)ہفتہ کو ایکشن میں ہوں گی۔ اولمپکس کے انتہائی دلچسپ اور کانٹے دار مقابلوں کا سلسلہ فرانس کے دارالحکومت پیرس میں جاری ہے۔اس سے قبل خواتین فٹ بال ایونٹ کے پہلے سیمی فائنل میچ میں امریکا نے انتہائی سخت مقابلے کے بعد جرمنی کو 0-1 گول سے شکست دے کر فائنل کے لئے کوالیفائی کیا۔دوسرے سیمی فائنل میچ میں برازیل کی ویمنز فٹ بال ٹیم نے شاندار کھیل پیش کرتے ہوئے ہسپانوی ویمنز فٹ بال ٹیم کو دو کے مقابلے میں 4 گول سے ہرا کر فائنل کے لئے کوالیفائی کیا تھا ۔ برازیل اور امریکا کی ٹیموں کے درمیان طلائی تمغے کے لئے میچ (آج) ہفتے کو کھیلا جائے گا۔دونوں ٹیموں کی کپتانوں نے فائنل میں کامیابی کے لئے بیانات دیئے ہیں اور فائنل میچ میں کانٹے دار مقابلے کی توقع کی جارہی ہے۔

کریڈٹ: انڈیپنڈنٹ نیوز پاکستان-آئی این پی