پاکستان کرکٹ ٹیم کے سابق کپتان اور ٹیسٹ کرکٹر محمد یوسف نے بنگلہ دیش کے معاملے پر انٹرنیشنل کرکٹ کونسل (آئی سی سی) پر تنقید کرتے ہوئے کہا ہے کہ سیکیورٹی خدشات حل نہ ہونے پر کرکٹ سے محبت کرنے والی قوم بنگلہ دیش کو کرکٹ سے محروم دیکھنا انتہائی افسوس ناک ہے ۔اپنے ایک بیان میں سابق کپتان نے کہا کہ ماضی میں جب ایسے ہی خدشات سامنے آئے تو نیوٹرل وینیو کی منظوری دی گئی، کسی ایک ملک کے لیے اصول نہیں بدل سکتے۔ ان کا یہ بھی کہنا ہے کہ آئی سی سی کو انٹرنیشنل کرکٹ کونسل کے طور پر کردار ادا کرنا چاہیے، جو کسی ایک بورڈ کے مفادات کا تحفظ کرتا ہوا نظر نہ آئے، انصاف اور یکساں معیار ہی عالمی کرکٹ کی اصل بنیاد ہیں۔

کریڈٹ: انڈیپنڈنٹ نیوز پاکستان-آئی این پی