بگ بیش لیگ (بی بی ایل )کے 11ویں میچ میں سڈنی سکسرز نے ہوبارٹ ہریکینز کو سنسنی خیز مقابلے کے بعد 6رنز سے شکست دیدی،سڈنی میں کھیلے گئے میچ میں سڈنی سکسرز نے ٹاس جیت کر پہلے بیٹنگ کا فیصلہ کیا اور 14اوورز میں 6وکٹوں کے نقصان پر 137رنز کی بنائے،سڈنی کی جانب سے جوش فلپ نے 21گیندوں پر 43جبکہ کرٹس پیٹرسن نے 25گیندوں پر 38رنز کی اننگ کھیلی، ہوبارٹ کی جانب سے قومی آلرانڈر شاداب خان نے تین اوورز میں 4شکار کئے،ہدف کے تعاقب میں ہوبارٹ کی ٹیم مقررہ اوورز میں 7وکٹوں کے نقصان پر 131رنز بنا سکی، قومی بیٹر آصف علی کی 13گیندوں پر 41رنز کی اننگ بھی ٹیم کو فتح نہ دلاسکی،میچ میں کامیابی کے بعد سڈنی سکسرز دو پوائٹس کے ساتھ پوائنٹس ٹیبل پر چھٹے نمبر پر آگئی جبکہ ہوبارٹ کی پانچویں پوزیشن ہے۔

کریڈٹ: انڈیپنڈنٹ نیوز پاکستان-آئی این پی