راتوں رات مشہور ہونے والے بے سرے گانے بدو بدی کی اداکارہ وجدان را ئونے الزام لگاتے ہوئے کہا ہے کہ یوٹیوب سے بدو بدی گانا ابرارالحق نے حذف کروایا ہے۔اس گانے نے 2 ماہ کے دوران 28 ملین ویوز حاصل کر لیے تھے، گانے کی کمائی سے متعلق اس میں بطور ماڈل کام کرنے والی اداکارہ وجدان رائو کا دعوی ہے کہ بدو بدی نے 70 ملین ڈالرز سے زیادہ کا بزنس کیا ہے۔ ایک حالیہ انٹرویو میں وجدان را ئونے دعوی کیا ہے کہ بدو بدی گانے کو یوٹیوب سے ڈیلیٹ کروانے میں معروف گلوکار ابرارالحق کا ہاتھ ہے۔ اداکارہ کا مزید کہنا تھا کہ دیگر نامور گلوکار اس گانے کے راتوں رات مشہور ہونے پر حیران ہیں۔وجدان را ئوکے مطابق بہت سے ایسے نامور گلوکار ہیں جو برسوں سے محنت کے باوجود بھی یوٹیوب پر اتنے ویوز حاصل نہیں کر سکے جبکہ اس مزاحیہ گانے نے کچھ ہی وقت میں 28 ملین ویوز لے لیے۔

کریڈٹ: انڈیپنڈنٹ نیوز پاکستان-آئی این پی