قومی ٹیم کے سابق کپتان بابراعظم نے اوپنر بیٹر صائم ایوب کی تعریف کرتے ہوئے انہیں چیتا قرار دیدیا۔پاکستان نے تین ون ڈے میچز کی سیریز میں جنوبی افریقا کو کلین سوئیپ کردیا اور اس جیت میں بائیں ہاتھ کے اوپنر صائم ایوب نے اہم کردار ادا کیا۔صائم ایوب نے سیریز کے دوران بیک ٹو بیک دو سنچریاں اسکور کیں اور آخری ون ڈے میں پلیئر آف دی میچ قرار پائے، انہیں پلیئر آف دی سیریز کا بھی ایوارڈ ملا۔ بابر اعظم جو خود بھی ون ڈے سیریز میں فارم میں واپس آئے اور بیک ٹو بیک نصف سنچریاں بنائیں وہ صائم ایوب کی بیٹنگ کی تعریف کیے بنا نہ رہ سکے۔قومی ٹیم کے سابق کپتان بابراعظم نے نے اپنی ایک سوشل میڈیا پوسٹ پر صائم ایوب کو چیتا قرار دیدیا۔اس کے ساتھ ساتھ اگلی پوسٹ میں بابراعظم نے اپنے دوست اور قومی ٹیم کے اوپنر بیٹر امام الحق کو سالگرہ پر مبارکباد پیش کی۔ بابر اعظم نے ایک دوسرے سوشل میڈیا پلیٹ فارم پر پاکستان کی تیسرے میچ کی تصاویر پوسٹ کیں اور جیت کو پاکستان کیلئے فخر اور خوشی قرار دیا۔

کریڈٹ : انڈیپنڈنٹ نیوز پاکستان-آئی این پی