بے نظیر بھٹو شہید نیشنل ٹینس چیمپئن شپ کے ڈراز کا اعلان (آج)اتوار کو کیا جائے گا۔ ٹورنامنٹ ڈائریکٹر کامران خلیل نے بتایا کہ ٹورنامنٹ میں ملک بھر سے کھلاڑی رجسٹریشن کروا رہے ہیں۔ 9ویں بے نظیر شہید نیشنل ٹینس چیمپئن شپ 18 دسمبر سیاسلام آباد ٹینس کمپلیکس، اسلام آباد میں شروع ہو گی۔ چیمپئن شپ میں ملک بھر تین سو سے زائد مرد اور خواتین کھلاڑی حصہ لے رہے ہیں۔ چیمپئن شپ میں تیرہ کیٹگریز کے مقابلے رکھے گئے ہیں جن میں مینز سنگلز اینڈ ڈبلز، لیڈیز سنگلز ، بوائز انڈر 18، گرلز انڈر 18، بوائز انڈر 14، گرلز انڈر 14، گرلز اینڈ بوائز انڈر 12، گرلز اینڈ بوائز انڈر 10، سپیشل چیلڈ اور سینئر 45 پلس کیٹگریز کے مقابلے رکھے گئے ہیں۔ ٹورنامنٹ کا کوالیفائنگ اور مین رائونڈ 18 دسمبر سے شروع ہو گا۔ کوارٹر فائنل 22دسمبر کو، سیمی فائنل مقابلے 23 دسمبر کو جبکہ فائنل مقابلے 24 دسمبر کو کھیلے جائیں گے۔

کریڈٹ: انڈیپنڈنٹ نیوز پاکستان-آئی این پی