بالی وڈ کے خوبرو اداکار کارتک آریان کی ہارر کامیڈی فلم بھول بھولیا 3 کی شوٹنگ مکمل ہونے کے بعد مداح فلم کے ٹیزر کے منتظر ہیں۔بھارتی میڈیا کے مطابق فلم بھول بھلیا 3 کے میکرز کی جانب سے حال ہی میں ریلیز ہونے والی فلموں کھیل کھیل میں، استری 2 اور فلم ویدا سے کامپیٹیشن کی وجہ سے فلم کے ٹیزر کو جاری کرنے سے فی الحال بریک لیا گیا ہے۔میکرز کے مطابق تینوں فلموں کی ریلیز کے بعد جب ماحول سازگار ہوگا تو اداکار کارتک آریان اور اداکارہ ترپتی دمری کے مداحوں کیلئے فلم کا پہلا ٹیزر جاری کردیا جائے گا۔ حال ہی میں اداکار کارتک آریان کی جانب سے اپنی ہارر کامیڈی فلم بھول بھولیا 3 کی شوٹنگ مکمل کرنے کے بعد 2 اگست کو کیک کاٹ کر مداحوں کو فلم کے ریپ اپ کی خوشخبری سنائی تھی۔واضح رہے بھارتی میڈیا کے مطابق فلم بھول بھلیا 3 دیوالی کے موقع پر ریلیز کی جائے گی جس میں اداکارہ ترپتی دمری اور ودیا بالن کارتک آریان کے ساتھ اسکرین شیئر کرتی نظر آئیں گی۔

کریڈٹ: انڈیپنڈنٹ نیوز پاکستان-آئی این پی