بھارتی اداکارہ اروشی روٹیلا کو معمولی زخمی ہونے پر ان کے چاہنے والوں طرف سے ایک لاکھ مہنگے سرخ گلابوں کا تحفہ سوشل میڈیا صارفین کی توجہ کا مرکز بننے کے بعد اداکارہ کے تمسخر کا سبب بھی بن رہا ہے۔ چند روز قبل اداکارہ نے ایک اور ویڈیو پوسٹ کی جس میں انہوں نے دعوی کیا کہ میری جلد صحت یابی کے خواہاں ڈائی ہارڈ فینز کی جانب سے مجھے 1 لاکھ مہنگے سرخ گلابوں کا تحفہ بھیجا گیا ہے۔اروشی روٹیلا کی اس پوسٹ کے کمنٹس میں اگرچہ کئی سوشل میڈیا صارفین نے ان کے لیے دعاوں بھرے پیغامات بھیجے ہیں، لیکن بیشتر صارفین نے ان پر کڑی تنقید کی اور تبصرے کرتے ہوئے اداکارہ کا خوب مذاق بھی اڑایا۔سوشل میڈیا صارفین کے مطابق اروشی پہلی اداکارہ ہیں جنہوں نے پبلسٹی اسٹنٹ کے لیے 1 لاکھ گلاب خود خریدے ہیں جبکہ ایک صارف نے سوال کیا کہ اگر چاہنے والوں نے یہ گلاب بھیجے ہیں تو تمام گلاب ایک ہی طرح کی ریپنگ میں کیوں ہیں؟ کیا تمام پرستاروں نے ایک ہی دکان سے انہیں خریدا ہے؟ایک اور صارف نے اسے ہمدردی حاصل کرنے کا ایک طریقہ قرار دیا ہے جبکہ ایک اور صارف نے اسے سستی تشہیر کا نام دے دیا۔

کریڈٹ: انڈیپنڈنٹ نیوز پاکستان-آئی این پی