بالی ووڈ کی معروف اداکارہ و ماڈل اروشی روٹیلا نے زخمی حالت میں مداحوں سے دعائوں کی اپیل کردی۔اروشی روٹیلا نے اپنے آفیشل انسٹاگرام ہینڈل پر اپنی نئی ویڈیو پوسٹ کی جس میں انہیں زخمی ہاتھ کے ساتھ ہسپتال میں دیکھا جاسکتا ہے۔مذکورہ ویڈیو میں اروشی روٹیلا کے ہاتھ کی انگلیوں سے خون بہہ رہا تھا جبکہ وہ ہسپتال میں آکسیجن ماسک لگائے بیٹھی تھیں۔اداکارہ نے ویڈیو پوسٹ کرتے ہوئے مداحوں سے مخاطب ہوتے ہوئے کہا کہ میرے لیے دعا کریں۔ اداکارہ کی اس ویڈیو پر جہاں ان کے مداحوں نے ان سے اظہار ہمدردی کیا تو وہیں کچھ صارفین ایسے بھی تھے جنہوں نے اروشی روٹیلا پر کڑی تنقید کی۔صارفین نے کہا کہ اروشی معمولی زخم لیکر ہسپتال پہنچ گئیں اور اب آکسیجن ماسک لگا کر مداحوں کی ہمدردی اور توجہ حاصل کرنے کی کوشش کررہی ہیں۔

کریڈٹ: انڈیپنڈنٹ نیوز پاکستان-آئی این پی