پاکستانی شوبز انڈسٹری کی فنکار جوڑی اداکار ارباز خان اور خوشبو خان کے بیٹے آریان خان نے بھی اپنے دادا آصف خان اور والد کے نقشِ قدم پر چلتے ہوئے شوبز انڈسٹری میں انٹری دے دی ۔ارباز خان نے حال ہی میں اپنے بڑے بیٹے آریان خان کے ہمراہ نجی یوٹیوب چینل کو انٹرویو دیا جس میں انہوں نے اپنے بیٹے کے شوبز انڈسٹری میں آنے کے منصوبوں کا انکشاف کیا۔آریان خان کی انڈسٹری میں شمولیت کے بارے میں بات کرتے ہوئے ارباز خان کا کہنا تھا کہ ،مجھے لگتا ہے کہ میں اپنے بیٹے کو شوبز انڈسٹری کی خدمت کرتے ہوئے دیکھ رہا ہوں کیونکہ ہم سب نے انڈسٹری میں اپنا اپنا حصہ ڈالا ہے اور اب میرا بیٹا بھی اپنے والد اور دادا کی طرح کام کریں گا اور مجھے یقین ہے کہ وہ مقبولیت کی بلندیوں پر پہنچے گا۔ اس موقع پر آریان نے بتایا کہ میں اپنے والد کی محنت اور لگن سے بے حد متاثر ہوں اور چاہتا ہوں کے اپنے دادا اور والد کے فن کو آگے لے کر چلوں۔

کریڈٹ: انڈیپنڈنٹ نیوز پاکستان-آئی این پی