پاکستان کرکٹ ٹیم کے سابق کھلاڑی توصیف احمد نے کہا کہ سرفراز احمد کو کوچ بنانا بہت زبردست فیصلہ ہے، انڈر 19 کرکٹ ٹیم کی کامیابی ہمیں برسوں تک یاد رہے گی۔ایک بیان میں توصیف احمد نے کہا کہ فائنل میں بھارت کو ہرانے پر بہت خوشی ہے، سمیر منہاس مستقبلِ کا روشن ستارہ ہے، گروم ہونے کیلئے اسے ابھی مزید کرکٹ کھیلنی ہوگی۔ سرفراز احمد کو کوچ بنانے کیساتھ اسے مکمل اختیار بھی دیا جائے، پیرا شوٹرز ادھر ادھر سے آکر کام خراب کرتے ہیں، میری نظر میں سرفراز احمد دوسرا جاوید میانداد ہے، گرانڈ میں سرفراز احمد کا سخت رویہ کرکٹ اور کرکٹر کی بہتری کیلئے ہوتا ہے۔ انہوں نے مزید کہا کہ جونیئر کھلاڑیوں کو مستقل مواقع ملنے ضروری ہیں۔

کریڈٹ: انڈیپنڈنٹ نیوز پاکستان-آئی این پی