سپین کے نامور ٹینس سٹار اور ایونٹ کے سیکنڈ سیڈڈ کارلوس الکاراز،جرمنی کے ٹینس کھلاڑی الیگزینڈرزویروف اوراطالوی ٹینس سٹار جینک سنر اے ٹی پی انڈین ویلز اوپن ٹینس ٹورنامنٹ کے مردوں کے سنگلز مقابلوں کے کوارٹر فائنل راونڈ میں پہنچ گئے۔ امریکا کی مشہور ریاست کیلیفورنیا کے انڈین ویلز ٹینس گارڈن میں جاری اے ٹی پی ایونٹ میں سنسنی خیز مقابلے جاری ہیں۔ بدھ کو کھیلے گئے مردوں کے سنگلز مقابلوں کے پری کوارٹر فائنل رانڈ میں سپین کے نامور ٹینس سٹار اور ایونٹ کے سیکنڈ سیڈڈ کارلوس الکاراز نے عمدہ کھیل پیش کرتے ہوئے ہنگری کے حریف کھلاڑی فیبیان ماروزانم کو سٹریٹ سیٹس میں 3-6 اور 3-6 سے شکست دے کر ایونٹ کے ٹاپ ایٹ رانڈ کے لئے کوالیفائی کرلیا۔جرمنی کے ٹینس کھلاڑی الیگزینڈرزویروف نے آسٹریلیا کے کے حریف کھلاڑی ایلکس ڈی مینور کو 7-5، 2-6اور 3-6 سے مات دے کر چوتھی رکاوٹ عبور کرلی۔ایک اور میچ میں اطالوی ٹینس سٹار جینک سنرنے عمدہ کارکردگی کا مظاہرہ کرتے ہوئے امریکی حریف کھلاڑی بینجمن ٹوڈ شیلٹن کو سٹریٹ سیٹس میں 6-7(4-7) اور1-6 سے ہرا کر کوارٹر فائنل کے لئے کوالیفائی کرلیا۔کوارٹر فائنل رانڈ میں کارلوس الکاراز کا مقابلہ جرمنی کے ٹینس کھلاڑی الیگزینڈرزویروف سے ہوگا ۔آسٹریلوی ٹینس سٹار ایلکس ڈی مینور اور امریکا کے بینجمن ٹوڈ شیلٹن پری کوارٹر فائنل رانڈ میں شکست کے بعد ایونٹ سے باہر گئے ہیں۔

کریڈٹ: انڈیپنڈنٹ نیوز پاکستان-آئی این پی