انگلش پریمیئر لیگ میں برینٹ فورڈ اور برائٹن اینڈ ہوو البیون نے اپنے اپنے میچز جیت لئے، برینٹ فورڈ نیساتھمپٹن اور برائٹن اینڈ ہوو البیون نے کرسٹل پیلس کو شکست دی،سینٹ میری سٹیڈیم ، ساتھمپٹن کے مقام پر کھیلے گئے لیگ کے اہم میچ میں برینٹ فورڈ کی ٹیم نے عمدہ کھیل پیش کرتے ہوئے میزبان ساتھمپٹن کی ٹیم کو 0-2گول سے ہرا دیا، برینٹ فورڈ کی فتح میں ایوان ٹونی اور یونے ویسا نے ایک ایک گول کر کے کلیدی کردار ادا کیا،ایوان ٹونی نے پہلا گول میچ کے 32 ویں منٹ میں سکور کیا جبکہ یونے ویسا نے میچ کے آخری لمحات 90ویں منٹ میں ایک گول سکور کیا ، ساتھمپٹن کی ٹیم میچ میں کوئی گول سکور نہ کر سکی،اس فتح کے بعد برینٹ فورڈ کی ٹیم ایک درجہ ترقی پاکر 41پوائنٹس کے ساتھ نویں سے آٹھویں پوزیشن پر پہنچ گئی ہے،ایمیکس سٹیڈیم، برائٹن میں کھیلے گئے ایک اور میچ میں میزبان برائٹن اینڈ ہوو البیون نے انتہائی سخت مقابلے کے بعد کرسٹل پیلس کی ٹیم کو 0-1گول سے شکست دی ، برائٹن اینڈ ہوو البیون کی ٹیم کی طرف سے واحد گول سولی مارچ نے میچ کے 16ویں منٹ میں سکور کیا۔

کریڈٹ: انڈیپنڈنٹ نیوز پاکستان-آئی این پی