انگلینڈ کے خلاف ون ڈے اور ویسٹ انڈیز کے خلاف ٹیسٹ سیریز کے لیے آسٹریلوی سکواڈزکا اعلان کردیا گیا،آسٹریلیا میں تین ون ڈے میچز 17 ,19 اور 22 نومبر کو ایڈیلیڈ ، سڈنی اور میلبرن میں ہوں گے جب کہ آسٹریلیا اور ویسٹ انڈیز کے درمیان پہلا ٹیسٹ 30 نومبر اور دوسرا ٹیسٹ 8 دسمبر سے شروع ہو گا، ٹیسٹ اور ون اسکواڈ کی قیادت فاسٹ بولر پیٹ کمنز کریں گے،ایرون فنچ کی ریٹائرمنٹ کے بعد پیٹ کمنز پہلی مرتبہ ون ڈے ٹیم کی قیادت کریں گے جب کہ ایرون فنچ کی جگہ ٹریوس ہیڈ کو ون ڈے اسکواڈ میں شامل کیا گیا ہے،چیئرمین آف سلیکٹر جارج بیلی کا کہنا تھا کہ ٹیسٹ سکواڈ میں تبدیلیاں نہیں کی گئیں اور مارکوس ہیرس بھی جگہ برقرار رکھنے میں کامیاب رہے جب کہ ٹریوس ہیڈ نے پاکستان اور سری لنکا میں اچھا پرفارم کیا تھا،انہوں نے کہا کہ اگلے برس بھارت میں ہونے والے ورلڈ کپ کے لیے سیریز بڑی اہمیت کی حامل ہیں۔

کریڈٹ: انڈیپنڈنٹ نیوز پاکستان-آئی این پی