پاکستان کے خلاف سیریز سے پہلے انگلش کرکٹ ٹیم کو بڑا دھچکا لگ گیا۔ انگلینڈ کے فاسٹ بولر مارک ووڈ کہنی کی انجری میں مبتلا ہوکر مارک ووڈ پاکستان کے خلاف سیریز کے ساتھ آئندہ سال تک کرکٹ سے باہر ہوگئے۔ ای سی بی کے مطابق مارک ووڈ آئندہ سال چیمپینز ٹرافی تک ٹھیک ہو جائیں گے۔ ای سی بی کا کہنا ہے کہ مارک ووڈ انگلینڈ کے دورہ پاکستان اور نیوزی لینڈ میں حصہ نہیں لیں گے، وہ اگلے سال پاکستان میں چیمپئنز ٹرافی سے قبل واپسی کیلیے پر امید ہیں۔ ای سی بی نے مزید کہا کہ مارک ووڈ کی انجری پر ماہرین کی جانب سے نگرانی کی جا رہی ہے اور ان کی بحالی کا عمل جاری ہے، انہیں صحتیاب ہونے کے لیے مکمل آرام اور طبی دیکھ بھال کی ضرورت ہے تاکہ وہ مکمل طور پر فٹ ہو کر دوبارہ ٹیم کا حصہ بن سکیں۔

کریڈٹ: انڈیپنڈنٹ نیوز پاکستان-آئی این پی