انگلینڈ اور پاکستان کی خواتین ٹیموں کے درمیان 3ایک روزہ بین الاقوامی میچوں پر مشتمل سیریز کا پہلا کرکٹ میچ (آج)جمعرات کو کائونٹی گرائونڈ، ڈربی میں کھیلا جائے گا۔اس سے قبل دونوں ٹیموں کے درمیان کھیلی گئی تین ٹی ٹونٹی میچوں کی سیریز میں میزبان برطانوی خواتین ٹیم نے پاکستان کی ویمن ٹیم کو 0-3سے کلین سویپ کیا تھا۔ انگلینڈ کی ویمن ٹیم نے پہلے ٹی ٹونٹی میچ میں پاکستان ویمن کو 53رنز ،دوسرے ٹی ٹونٹی میچ میں 65رنز جبکہ تیسرے اور آخری ٹی ٹونٹی میچ میں 34رنز سے شکست دی تھی۔تین ون ڈے میچوں کی سیریز میں میزبان انگلینڈ کی ویمن ٹیم کو ہیتھر نائٹ لیڈ کریں گی۔پاکستان ویمنز ٹیم کو ندا ڈار لیڈ کریں گی۔ دونوں ٹیموں کے درمیان 3ون ڈے میچوں کی سیریز کا دوسرا میچ 26مئی کو ٹائونٹن جبکہ تیسرا اور آخری ون ڈے میچ 29مئی کو چیلمس فورڈمیں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی