ہالی ووڈ کے سپر سٹار ول اسمتھ نے بالی ووڈ اسٹار جوڑی دیپیکا پڈوکون اور رنویر سنگھ کے ہاں بیٹی کی پیدائش پر جوڑے کو مبارکباد دی ہے۔ واضح رہے کہ چند روز قبل دیپیکا پڈوکون کے ہاں بیٹی کی پیدائش ہوئی جس کا اعلان انہوں نے اپنے شوہر رنویر سنگھ کے ساتھ سوشل میڈیا پر ایک مشترکہ پوسٹ میں کیا۔ دیپیکا اور رنویر کی پوسٹ پر ردعمل دیتے ہوئے ہالی ووڈ اسٹار ول اسمتھ نے لکھا''مبارک ہو ماما اور پاپا''۔ پریانکا چوپڑا نے دل والے ایموجیز کے ساتھ مبارکباد دی جبکہ اننیا پانڈے نے لکھا بیٹی مبارک ہو۔جبکہ سارہ علی خان نے کہا کہ رنویر اور دی پی آپ دونوں کو بیٹی کی پیدائش مبارک ہو خوشیاں اور مسرتیں آپ دونوں کے لیے۔انکے علاوہ بپاشا باسو، شنکر مہادیون، شریا گھوشال، راجکمار را، شردھا کپور، کترینہ کیف' کرینہ کپور 'سنیل شیٹی، وانی کپور، کیرتی سینن، سوناکشی سنہا اور دیگر ستاروں نے بھی جوڑے کو بیٹی کی پیدائش پر دل کی گہرائیوں سے مبارکباد دی ہے۔

کریڈٹ: انڈیپنڈنٹ نیوز پاکستان-آئی این پی