بالی ووڈ اسٹار اداکار اجے دیوگن اور اداکارہ تبو کی نئی رومینٹک فلم اوروں میں کہاں دم تھا کی ریلیز ملتوی کردی گئی۔بھارتی میڈیا ذرائع کے مطابق فلم کی ریلیز پانچ جولائی کو شیڈول تھی لیکن پرابھاس کی سائنس فکشن فلم کالکی2898 کی شاندار کامیابی کے بعد اجے دیوگن کی فلم کی ریلیز ملتوی کی گئی ہے۔ذرائع کے مطابق فلمی تجزیہ کاروں کے مطابق کالکی2898 کا بزنس بڑھے گا اور اجے دیوگن کی فلم کی وجہ سے دونوں فلموں کا بزنس متاثر ہوسکتا ہے۔فلم کی کاسٹ میں جمی شیر گِل، سائی منجریکر اور شانتانو مہیشواری بھی شامل ہیں اور اب اسے رواں برس دو اگست کو سینما گھروں کی زینت بنائے جانے کا امکان ہے۔

کریڈٹ: انڈیپنڈنٹ نیوز پاکستان-آئی این پی