اداکار عدنان شاہ المعروف عدنان شاہ ٹیپو کی اہلیہ نے کہا ہے کہ پاکستان میں ایسے اسکولز بنانے چاہئیں جس میں صرف مشہور شخصیات کے بچے زیرِ تعلیم ہوں۔حال ہی میں عدنان شاہ نے اہلیہ حاجرہ شاہ کے ساتھ نجی ٹی وی کے مارننگ شو میں شرکت کی اس دوران میزبان نے سوال کیا کہ کیا آپ کے بچوں کو اسکول میں اداکار کی بچیاں ہونے کا فائدہ حاصل ہوا؟جواب میں عدنان شاہ نے کہا حاصل ہوتا ہے لیکن انہیں مشکلات بھی بہت ہوتی ہیں، کیونکہ سلیبریٹی کے بچے ہونے پر دوسرے بچوں میں احساسِ کمتری ہوتی ہے جس سے مسائل پید اہوتے ہیں۔اداکار کی اہلیہ حاجرہ شاہ نے کہا کہ میری تو حکومت سے اپیل ہے کہ پاکستان میں ایسے اسکولز بنائے جائیں جس میں صرف سلیبریٹیز کے بچے پڑھتے ہوں کیونکہ میری بچیاں اور میں یہ سب سہہ رہی ہوں۔

کریڈٹ: انڈیپنڈنٹ نیوز پاکستان-آئی این پی