اداکارہ ماہرہ خان نے اداکارہ ایمن خان اور منال خان کے خوبصورت رشتے کی تعریف کرتے ہوئے خاص دعا بھی دے دی۔جڑواں بہنوں کی اسٹار جوڑی ایمن خان اور منال خان کے درمیان بے انتہا دوستی ہے اور دونوں اس بات کا اعتراف کرتی نظر آتی ہیں کہ وہ ایک دوسرے کے بغیر نہیں جی سکتیں۔حال ہی میں ایمن اور منال نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی جس میں دونوں ٹوئننگ کرتے ہوئے سیاہ شرٹس کے ساتھ پاجامے پہنی ساحلِ سمندر پر ٹہلتی نظر آئیں۔ویڈیو میں ایک آڈیو بھی لگائی جس میں لڑکیوں کے ہنسنے اور خوشی کا اظہار کرنے کی آواز سنی جاسکتی ہے۔پوسٹ کے کیپشن میں انہوں نے لکھا کہ میری سب سے بہترین سہیلی جبکہ ویڈیو کا نظریہ شیئر کرتے ہوئے لکھا کہ جب ہم دونوں ملتے ہیں تو ایسی آوازیں سنائی دیتی ہیں۔جہاں اس ویڈیو کو ایمن اور منال کے مداحوں کی جانب سے پسند کیا گیا وہیں شوبز ستارے بھی کمنٹ سیکشن میں نظر آئے۔ان کمنٹس میں ماہرہ خان کا کمنٹ سب سے نمایاں رہا۔ انہوں نے لکھا کہ ماشاء اللہ، اللہ ہمیشہ تم دونوں کے قہقہوں کی حفاظت کرے، آمین۔ماورا حسین نے بھی کمنٹ کرتے ہوئے لکھا کہ ماشااللہ، دعا ہے کہ تم دونوں ہمیشہ ایسے ہی ایک دوسرے کے ساتھ رہو۔

کریڈٹ: انڈیپنڈنٹ نیوز پاکستان-آئی این پی