بھارتی اسٹار جوڑی ادیتی رائو حیدری اور سدہارتھ نے اپنی محبت کو مضبوط رشتے میں بدلتے ہوئے شادی کرلی جس کی تصاویر بھی سوشل میڈیا کی زینت بنادیں۔ سدہارتھ اور ادیتی گزشتہ کئی سالوں سے محبت کے رشتے میں بندھے ہوئے تھے اور دونوں کو اکثر ایک ساتھ دیکھا جاتا رہا۔اگرچہ دونوں کے حوالے سے رواں سال مارچ میں یہ خبر گردش کرتی رہی کہ وہ کسی مندر میں شادی کرچکے ہیں لیکن دونوں نے انکشاف کیا کہ انکی صرف منگنی ہوئی ہے اور اب دونوں نے اپنے انسٹاگرام اکائونٹ پر شادی کی یادگار تصاویر شیئر کر کے سب کی توجہ حاصل کرلی۔ادیتی رائو حیدری اور سدہارتھ کی جانب سے شیئر کی گئیں تصاویر میں بطور کیپشن لکھا گیا کہ تم میرے سورج، میرے چاند اور میرے سارے ستارے ہو، اور ہمارچمکتی روحوں کا جوڑا ہمیشہ کیلئے ہے، مسکراہٹوں کے ساتھ کبھی نہ ختم ہونے والی محبت، روشنی اور جادو ۔ مسٹر اینڈ مسز ادو سدھو۔شادی کے موقع پر ادیتی را حیدری نے سفید و سنہری بنارسی ساڑھی پہنی جبکہ سدہارتھ ایک روایتی ساتھ انڈین دلہا کی طرح خاص سفید جوڑا پہنے نظر آئے۔

کریڈٹ: انڈیپنڈنٹ نیوز پاکستان-آئی این پی