آئی سی سی کرکٹ ورلڈکپ سے قبل آسٹریلیا کو بڑا دھچکا،کینگروز ٹیم کے اہم اسپنر ایشٹن اگر پنڈلی کی انجری سے نجات نہیں پا سکے جس باعث ان کا ورلڈ کپ سے باہر ہونے کا امکان ہے،میڈیا رپورٹس کے مطابق ایشٹن اگر کو انجری جنوبی افریقا کے خلاف ٹی ٹوئنٹی سیریز میں ہوئی، ایشٹن اگر کی جگہ تنویر سنگھا کو شامل کیا جا سکتا ہے جو بھارت کے خلاف حال ہی میں کھیلی گئی 3ایک روزہ میچوں کی سیریز میں آسٹریلوی ٹیم کا حصہ تھے،آسٹریلیا نے ورلڈ کپ کے لیے ابتدائی اسکواڈ کا اعلان کر رکھا ہے، آسٹریلین ٹیم کی قیادت فاسٹ بولر پیٹ کمنز کریں گے جبکہ ابتدائی اسکواڈ میں ایشٹن اگر کا نام بھی شامل ہے۔

کریڈٹ: انڈیپنڈنٹ نیوز پاکستان-آئی این پی