معروف سینئر اداکار بہروز سبزواری نے سینئر اداکارہ و میزبان نادیہ خان پر کھل کر تنقید کی ہے۔بہروز سبزواری کا گزشتہ سال دیا گیا ایک انٹرویو سوشل میڈیا پلیٹ فارمز پر وائرل ہے جس میں وہ اداکارائوں خصوصا نادیہ خان پر تنقید کر رہے ہیں۔اداکار بہروز کا کہنا ہے کہ یہ خواتین کون ہوتی ہیں ڈراموں پر تنقید کرنے والی، ان خواتین میں میری دوستیں روبینہ اور مرینہ خان بھی شامل ہیں مگر ان کا شدید محنت سے بننے والے ڈراموں اور نئے اداکاروں پر تنقید کرنا جائز نہیں ہے۔بہروز سبزواری نے مزید کہا کہ ان میں ایک خاتون شامل ہیں جن کا نام نادیہ خان ہے، وہ 5 سے 6 سال تک ایک چینل کے ساتھ منسلک رہیں، وہ معروف مارننگ شو کی میزبان ہیں مگر وہ اپنے شوز میں آنے والے مہمانوں کی صرف بے عزت ہی کیا کرتی تھیں۔بہروز سبزواری نے افسوس کا اظہار کرتے ہوئے کہا کہ ڈرامے بہت محنت اور خون پسینہ لگا کر بنتے ہیں، نئے فنکار تنقید سے ہار جاتے ہیں۔

کریڈٹ: انڈیپنڈنٹ نیوز پاکستان-آئی این پی