معروف اداکارہ و ٹی وی ہوسٹ  نادیہ خان نے سینئر اداکار بہروز سبزواری کو تنقید کا نشانہ بناتے ہوئے کہا ہے کہ عورتوں سے متعلق بات کرنا  انہیں مہنگا پڑسکتا ہے۔بہروز سبزواری نے کچھ عرصہ قبل اداکارہ نادیہ خان کو عجیب خاتون کہتے ہوئے  تنقید کا نشانہ بنایا تھا۔ ایک ٹی وی پروگرام میں بات رکتے ہوئے اداکارہ کا کہنا تھا کہ انہیں بہروز سزواری سے متعلق اس وقت مسئلہ ہوتا ہے جب وہ دوسری خواتین سمیت دوسرے افراد سے متعلق بات کرتے ہیں۔نادیہ خان کا کہنا تھا کہ بہروز سبزواری کبھی ان پر بات کرتے ہیں، کبھی کسی دوسری خاتون کے حوالے سے بات کرتے ہیں اور خصوصی طور پر وہ عورتوں کے لباس پر بات کرتے ہیں۔اداکارہ نے اعتراف کیا کہ بہروز سبزواری کی جانب سے ایسی باتیں کرنے پر انہیں آگ لگ جاتی ہے، کیوں کہ اداکار دوسروں پر بات کرتے ہیں، وہ خود تک محدود نہیں رہتے۔نادیہ خان کا کہنا تھا کہ بہروز سبزواری کو  خواتین کے حوالے سے بات کرنا مہنگا پڑ سکتا ہے اور انہیں مہنگا پڑ بھی رہا ہے لیکن وہ اس طرف توجہ نہیں دے رہے، اس لیے انہیں اپنے بیانات پر توجہ دینی چاہیے۔

کریڈٹ: انڈیپنڈنٹ نیوز پاکستان-آئی این پی