بالی ووڈ کے بولڈ اداکار عمران ہاشمی بھی فنکاروں کی پلاسٹک سرجری پر بول پڑے۔حالیہ انٹرویو میں راج کمار را کی تصویر دکھاتے ہوئے اداکار عمران ہاشمی سے سوال پوچھا گیا کہ اداکار پلاسٹک سرجری کا انتخاب کیوں کرتے ہیں اور ایسی عدم تحفظات کہاں سے پیدا ہوتی ہیں؟عمران ہاشمی نے اس سوال کا جواب دیتے ہوئے کہا کہ، یہ ایک حقیقت ہے کہ کاسمیٹک کا کاروبار نہ صرف انڈسٹری میں بے حد مقبول ہے بلکہ یہ ایک ایسی چیز ہے جس کی مارکیٹنگ انہوں نے بہت اچھی طرح کی ہے۔عمران ہاشمی کا کہنا تھا کہ،یہی وجہ ہے کہ ہر کوئی اس پوسٹر بوائے کی طرح نظر آنا چاہتا ہے جس کیلئے یہ جملہ استعمال ہوتا ہے کہ کیا خوبصورتی ہے؟چند دن قبل سوشل میڈیا پر اداکار راج کمار را کی ایک تصویر گردش کرتی نظر آئی جسکے سبب نہ صرف اداکار پر بے شمار تنقید ہوئی بلکہ ان پر پلاسٹک سرجری کے الزامات بھی لگائے گئے۔

کریڈٹ: انڈیپنڈنٹ نیوز پاکستان-آئی این پی