اداکارہ علیزے شاہ نے فوٹو اینڈ ویڈیو شیئرنگ ایپ انسٹاگرام سے اپنے تمام پوسٹس غائب کر کے مداحوں کو حیران کردیا۔گزشتہ کئی روز سے علیزے شاہ کسی نئے تنازع کا شکار ہوتی نظر نہیں آرہی تھیں ان کا انسٹاگرام اکائونٹ انکی لاتعداد بولڈ تصاویر سے بھرا ہوا تھا جس کو وہ آئے دن شیئر کرتی تھیں اور مداح بھی پابندی سے ان تصاویر پر تنقید کی برسات کرتے تھے۔ تاہم اب علیزے شاہ کا انسٹاگرام اکائونٹ پر خالی پڑا ہے جس پر پوسٹس کے زمرے میں صفر لکھا ہوا ہے اور فالوئنگ کی تعداد بھی صفر ہی ہے اور فالوورز کی تعداد 4.3 ملین ہے۔علاوہ ازیں علیزے شاہ اپنی پروفائل پکچر کو بھی حذف کرچکی ہیں اور پروفائل پکچر کو سیاہ کردیا ہے۔مداح علیزے شاہ کے انسٹاگرام اکائونٹ کو خالی پاکر حیران ہیں اور مختلف تبصرے کر رہے ہیں۔

کریڈٹ: انڈیپنڈنٹ نیوز پاکستان-آئی این پی