آئی سی سی ویمن ٹی ٹوئنٹی ورلڈ کپ پاکستان کی ویمن کرکٹ ٹیم جمعرات کو( آج) بھی آئی سی سی اکیڈمی اوول 2پر پریکٹس کرے گی، ویمن ٹیم مقامی وقت کے مطابق شام 6بجے سے رات 9بجے تک پریکٹس سیشن میں حصہ لے گی پلئیرز باولنگ بیٹنگ اور فیلڈنگ کی پریکٹس کریں گی ،ہیڈ کوچ محمد وسیم ، فاسٹ باولنگ کوچ جنیدخان، سپن باولنگ کوچ عبدالرحمن، فیلڈنگ کوچ حنیف ملک پریکٹس کرائیں گے ، پاکستان ویمن کرکٹ ٹیم سکاٹ لینڈ اور بنگلہ دیش کے ساتھ وارم اپ میچ کھیلے گی ،پہلا وارم اپ میچ 28ستمبر کو سکاٹ لینڈ اور دوسرا 30ستمبر کو بنگلادیش کے ساتھ ہو گا پاکستانی ٹیم آئی سی سی ویمن ٹی ٹوئنٹی ورلڈ کپ کا اپنا افتتاحی میچ 3اکتوبر کو سری لنکا کے خلاف کھیلے گی دوسرے میچ میں پاکستانی ویمن کرکٹ ٹیم کا 6اکتوبر بروز اتوار کو روایتی حریف بھارت سے مقابلہ ہو گا پاکستانی ویمن کرکٹ ٹیم تیسرا میچ 11اکتوبر بروز جمعہ کو آسٹریلیا اور چوتھا میچ 14اکتوبر بروز پیر کو نیوزی لینڈ کے خلاف کھیلے گی۔

کریڈٹ: انڈیپنڈنٹ نیوز پاکستان-آئی این پی