آئی سی سی چیمپینز ٹرافی کا آج(ہفتہ )سے اسلام آباد میں ٹوور ہوگا۔ تفصیل کے مطابق انٹرنیشنل کرکٹ کونسل نے گزشتہ روز چیمپینز ٹرافی دبئی سے اسلام آباد پہنچائی۔ شیڈول کے مطابق آج 16 نومبر سے چمپئینز ٹرافی ٹوور کا آغاز کرے گی۔24 نومبر تک جاری رہنے والے ٹرافی ٹوور کا آغاز سکردو سے ہوگا۔ٹرافی ٹوور میں وہ شہر بھی ہونگے جہاں چیمپینز ٹرافی کے میچز ہونا ہیں۔ یہ پہلا موقع ہے کہ چیمپینز ٹرافی کے شیڈول کے اعلان کے بغیر ہی ٹرافی ٹوور شروع ہو گا۔ آئی سی سی چیمپئنز ٹرافی 19 فروری سے 9 مارچ تک پاکستان میں شیڈول ہے۔ آئی سی سی نے چیمپینز ٹرافی کے شیڈول کا اعلان 11 نومبر کو لاہور میں کرنا تھا لیکن نہیں کیا جاسکا۔

کریڈٹ: انڈیپنڈنٹ نیوز پاکستان-آئی این پی