آئی ایل ٹی 20 کے ایک اور میچ میں شارجہ واریئرز نے دبئی کیپٹلز کو ہرادیا۔ شارجہ کے چارلس نے لیوس گریگوری (16) کے ساتھ چوتھی وکٹ کے لیے 51 گیندوں پر 71 رنز اور پانچویں وکٹ کے لیے یواے ای کے باسل حمید کے ساتھ 29 رنز کی شراکت قائم کی۔اگرچہ چارلس اس وقت آو¿ٹ ہوئے جب واریئرز کو 23 گیندوں پر 27 رنز کی ضرورت تھی حمید نے ناقابل شکست 24 اور ڈینیئل سیمس (16) نے اپنی ٹیم فتح دلائی اس وقت 7 گیندیں باقی تھیں۔ کیپیٹلز کے میڈیم فاسٹ بولر دشمنتھا چمیرا نے 28 رنز پر آو¿ٹ ہونے والے 5 کھلاڑیوں میں سے 4 کی وکٹیں حاصل کیں۔ تاہم ان کی یہ کوشش کام نہ آسکی۔ کیپیٹلز نے مقررہ 20 اوورز میں 7 وکٹوں کے نقصان پر 170 رنز بنائے۔ سیم بلنگز نے 32 گیندوں پر 4 چھکوں اور ایک چوکے کی مدد سے 52 رنز بنائے جبکہ سکندر رضا نے 23 گیندوں پر 3 چوکے اور 3 چھکوں کی مدد سے 48 رنز بنائے۔ دونوں نے ملکر چوتھی وکٹ کے لیے 44 گیندوں پر 81 رنز کی شراکت قائم کی۔واریئرز نے 171 رنز کے ہدف کے تعاقب میں دلشان مدوشنکا کی جگہ اوپنر مارٹن گپٹل کو سپر سب کے طور پر ٹیم میں شامل کیا تاہم وہ 2 رنز بنا کر رن آو¿ٹ ہوگئے۔اس کے بعد کپتان اور اوپنر ٹام کوہلر کیڈمور نے دشمنتھا چمیرا کو وکٹ کیپر گرباز کو 3 رنز پر آو¿ٹ کیا۔چارلس کے ساتھ 12 گیندوں پر 25 رنز کی شراکت قائم کرنے والے نروشن ڈک ویلا 7 رنز پر چمیرا کے ہاتھوں آو¿ٹ ہو گئے۔ پاور پلے کے اختتام تک چارلس نے 42 رنز بنا کر واریئرز کو 3 وکٹوں کے نقصان پر 60 رنز تک پہنچا دیا۔ انہوں نے 26 گیندوں پر اپنی نصف سنچری بنائی۔آخری 10 اوورز میں واریئرز کو 79 رنز کی ضرورت تھی۔ چمیرا نے 13 ویں اوور میں 16 رنز دیکر گریگوری کو آو¿ٹ کرتے ہوئے اپنی تیسری وکٹ حاصل کی۔ اس کے بعد حمید اور سمس نے اپنی ٹیم کو ہدف تک پہنچایا۔جانس چارلس کو میچ کا بہترین کھلاڑی قرار دیا گیا۔

کریڈٹ: انڈیپنڈنٹ نیوز پاکستان-آئی این پی