سوشل میڈیا پر سب سے زیادہ فالو کی جانے والی اداکارہ کی جنگ میں ہانیہ عامر کے سر جیت کا سہرا سجنے پر عائزہ خان نے خوشی کا اظہار کیا ہے ۔فوٹو اینڈ ویڈیو شیئرنگ ایپ انسٹاگرام پر عائزہ خان نے اسٹوری اپڈیٹ کی جس میں انہوں نے ہانیہ عامر کو انسٹاگرام پر سب سے زیادہ فالو کی جانی والی خبر کا اسکرین شارٹ شیئر کرتے ہوئے مبارک باد پیش کی۔اسٹوری شیئر کرتے ہوئے عائزہ خان نے ہانیہ عامر کو مبارک باد دیتے ہوئے لکھا کہ،مبارک ہو ہانیہ عامر آپ اس کی مستحق ہیں بس اسی طرح رہیں جس طرح آپ ہمیشہ رہتی ہیں۔دوسری جانب ہانیہ عامر نے بھی عائزہ خان کی اسٹوری کو ری شیئر کرتے ہوئے انکے سر پر تاج سجایا اور لکھا کہ،آپ بالکل ہر چیز کی غیر متنازع ملکہ ہیں۔ہانیہ عامر کا کہنا تھا کہ،آپ نے جو کچھ بھی کیا ہے اور جو کچھ آپ اس انڈسٹری کے لیے کرتی رہیں گی اور مجھ سمیت جو آپ جیسی شاندار اداکارہ بننا چاہتی ہیں ہر ایک کو متاثر کرنے کے لیے آپ کا شکریہ۔واضح رہے کہ آج تک کے نتائج کے بعد ہانیہ عامر انسٹاگرام پر 14 اعشاریہ 1 ملین فالوورز کیساتھ سب سے زیادہ فالو کی جانے والی اداکارہ بن گئیں ہیں جبکہ عائزہ خان کا 14 ملین فالوورز کیساتھ دوسرا نمبر ہے۔

کریڈٹ: انڈیپنڈنٹ نیوز پاکستان-آئی این پی