معروف کانٹینٹ کرئیٹر و یوٹیوبر اداکار ارسلان نصیر نے انکشاف کیا ہے کہ انہیں سرِ فہرست کی اداکارہ عائزہ خان کے ساتھ کام کرنے کا موقع ملا تھا جو کہ بعد ازاں ان سے چھین لیا گیا تھا۔اداکار نے حال ہی میں اپنے مداحوں کے ساتھ بات چیت کے لیے انسٹاگرام پر سوال و جواب کا سیشن رکھا۔اسی دوران ایک انسٹاگرام صارف نے کہا کہ اداکارہ عائزہ خان کے ساتھ بھی ایک پروجیکٹ کریں جس میں آپ عائزہ کے مدِ مقابل مرکزی کردار میں ہوں اور ڈرامے کا اختتام بھی خوشگوار ہو۔اس پر ارسلان نصیر نے بتایا میں ایک ڈرامہ عائزہ خان کے ساتھ کر رہا تھا، پھر مجھے ہٹا کر ایک سینئر اداکار کے بیٹے کو ڈرامے میں کاسٹ کر لیا گیا تھا۔ارسلان نصیر نے مزید کہا کہ بعد ازاں مذکورہ پروجیکٹ عائزہ خان نے بھی چھوڑ دیا تھا۔

کریڈٹ: انڈیپنڈنٹ نیوز پاکستان-آئی این پی