سابق جنوبی افریقی کپتان اے بی ڈی ویلیئرز نے لاہور قلندرز کو مثالی ٹی ٹونٹی فرنچائز قرار دیتے ہوئے کہا ہے کہ ثمین رانا اور عاطف رانا کی قیادت نے فرنچائز کو عالمی سطح کی کامیاب ٹی ٹوئنٹی ٹیم بنا دیا ہے۔اپنے پیغام میں اے بی ڈی ویلیئرز کا کہنا تھا کہ دنیا بھر میں متعدد ٹی ٹوئنٹی فرنچائزز موجود ہیں مگر لاہور قلندرز نے طویل المدتی حکمتِ عملی، مضبوط اقدار اور تسلسل کے باعث اپنی منفرد شناخت قائم کی۔ انہوں نے لاہور قلندرز کی نمائندگی کو اپنے کیریئر کا اعزاز قرار دیا۔انہوں نے ثمین رانا، عاطف رانا اور ٹیم انتظامیہ کو مبارکباد دیتے ہوئے اعتماد ظاہر کیا کہ لاہور قلندرز آئندہ برسوں میں بھی کامیابیوں کا سلسلہ برقرار رکھے گا۔

کریڈٹ: انڈیپنڈنٹ نیوز پاکستان-آئی این پی