پاکستانی انٹرنیٹ سینسیشن و مزاحیہ گلوکار چاہت فتح علی خان کے مشہور گانے بدو بدی کو یوٹیوب سے ڈیلیٹ کر دیا گیا ۔یاد رہے کہ چاہت فتح علی خان نے اپنے متعدد گانوں کے بعد بدو بدی گزشتہ ماہ ریلیز کیا تھا جسے یوٹیوب سمیت تمام سوشل میڈیا پر کروڑوں صارفین نے سنا اور دیکھا تھا۔چاہت فتح علی خان کا یہ گانا پرانے مقبول ترین گانے اکھ لڑی بدو بدی کا ری میک تھا جس نے یوٹیوب پر دیکھتے ہی دیکھتے 28 ملین ویوز حاصل کر لیے تھے۔وائرل گانے بدو بدی کو اب یوٹیوب سے ڈیلیٹ کر دیا گیا ہے جس کی وجہ کاپی رائٹ ہے۔ میڈیا رپورٹس کے مطابق یوٹیوب کی جانب سے چاہت فتح علی خان کے گانے بدو بدی کو غیر قانونی طور پر گانے اور اپنے یوٹیوب چینل پر اپلوڈ کرنے کے نتیجے میں حذف کیا گیا ہے۔واضح رہے کہ ماضی میں گایا گیا مشوہر پنجابی گانا اکھ لڑی بدو بدی ملکہ ترنم نور جہاں کی ملکیت ہے جسے چاہت فتح علی خان نے بغیر اجازت کے گایا اور یوٹیوب پر اپلوڈ کیا تھا۔

کریڈٹ: انڈیپنڈنٹ نیوز پاکستان-آئی این پی