اوبیڈ مک کوئے کی تباہ کن بائولنگ کی بدولت ویسٹ انڈیز نے بھارت کو دوسرے ٹی 20 بین الاقوامی کرکٹ میچ میں 5 وکٹوں سے شکست دے کر تین میچوں کی سیریز 1-1 سے برابر کر دی ، وارنر پارک، باسیٹر، سینٹ کٹس میں کھیلے گئے میچ میں ویسٹ انڈین کپتان نکولس پوران نے ٹاس جیت کر پہلے فیلڈنگ کا فیصلہ کیا۔اوبیڈ مک کوئے کی شاندار بائولنگ کے باعث بھارتی ٹیم پہلے بیٹنگ کرتے ہوئے 19.4 اوورز میں 138 رنز بناکر آئوٹ ہوگئی ،ہردیک پانڈیا31، راویندرا جدیجہ 27، ریشبھ پنت 24 اور سوریہ کمار یادو نے 11 رنز بنائے ۔ویسٹ انڈیز کے اوبیڈ مک کوئے نے شاندار بالنگ کا مظاہرہ کرتے ہوئے 6جبکہ جیسن ہولڈر نے 2 وکٹیں حاصل کیں ، جواب میں ویسٹ انڈین ٹیم نے مطلوبہ ہدف 19.2 اوورز میں 5 وکٹوں کے نقصان پر حاصل کر لیا ، برینڈن کنگ نے 68 اور ڈیون تھامس نے ناقابل شکست 31 رنز بنائے ، میزبان ٹیم کے اوبیڈ مک کوئے کو میچ کا بہترین کھلاڑی قرار دیا گیا ۔

کریڈٹ:
انڈیپنڈنٹ نیوز پاکستان-آئی این پی