سپریم کورٹ کے آئینی بینچ نے نیب رولز کے مکمل نہ ہونے پربرہمی کا اظہارکیا ہے،جسٹس محمد علی مظہر نے ریمارکس دئیے کہ اگر رولز نہیں بنانے تھے تو قانون میں شامل کیوں کیا گیا۔سپریم کورٹ کے پانچ رکنی آئینی بینچ نے نیب رولز کے عدم تکمیل پر برہمی کا اظہار کیا۔کیس کی سماعت جسٹس امین الدین خان کی سربراہی میں پانچ رکنی آئینی بینچ نے کی۔ جسٹس محمد علی مظہر نے ریمارکس دئییکہ مجوزہ رولز میں ایسا کیا ہے کہ ابھی تک حتمی شکل نہیں دی جا سکی۔ اگر رولز نہیں بنانے تھے تو قانون میں شامل ہی نہ کیے جاتے۔ایڈیشنل اٹارنی جنرل نے عدالت کو بتایا کہ کابینہ کمیٹی رولزفائنل کر چکی ہے،اب ان کی منظوری کابینہ نے دینی ہے،جسٹس جمال خان مندوخیل نے ریمارکس دئیے کہ دیکھتے ہیں اگلی میٹنگ میں کابینہ کیا فیصلہ کرتی ہے۔عدالت نے حکم دیا کہ آئندہ سماعت پر سیکرٹری قانون پیش ہوکر پیشرفت سے آگاہ کریں۔

کریڈٹ: انڈیپنڈنٹ نیوز پاکستان-آئی این پی