وزارت خزانہ کی جانب سے ماہانہ معاشی آئوٹ لک رپورٹ جاری کر دی گئی۔ رواں مالی سال کے 7 ماہ میں ترسیلات زر، برآمدات اور درآمدات میں اضافہ ریکارڈ کیا گیا۔رپورٹ کے مطابق کرنٹ اکائونٹ خسارہ سرپلس اور بیرونی سرمایہ کاری میں اضافہ ریکارڈ کیا گیا۔ جبکہ اسٹیٹ بینک ذخائر میں اضافہ اور روپے کی قدر مستحکم ہوئی۔ اسٹیٹ بینک کے ذخائر 11 ارب 20 کروڑ ڈالر سے زیادہ رہے۔جولائی تا جنوری ترسیلات زر میں 25.2 فیصد کا اضافہ ہوا۔ اور برآمدات میں 7 ماہ میں 9.7 فیصد کا اضافہ ہوا۔ درآمدات میں بھی 7 ماہ میں 16.8 فیصد کا اضافہ ریکارڈ کیا گیا۔ رپورٹ کے مطابق کرنٹ اکائونٹ خسارہ جولائی تا جنوری 68 کروڑ ڈالر سے زیادہ سرپلس رہا۔ فیڈرل بورڈ آف ریونیو (ایف بی آر) محصولات میں جولائی تا دسمبر 26.2 فیصد کا اضافہ ہوا۔ جولائی تا دسمبر نان ٹیکس آمدنی میں 82 فیصد کا اضافہ ریکارڈ کیا گیا۔مالی خسارے میں جولائی تا دسمبر 36.1 فیصد کی کمی ہوئی۔ اور 7 ماہ میں مہنگائی کی شرح 28.7 فیصد سے کم ہو کر 6.5 فیصد پر آگئی۔ جنوری میں بیرون ملک ملازمت کے لیے 63 ہزار سے زائد پاکستانی گئے۔

کریڈٹ: انڈیپنڈنٹ نیوز پاکستان-آئی این پی