پاکستان میں طلاق کی شرح میں ناقابل ِیقین حد تک اضافہ دیکھا گیا ہے اور گزشتہ پانچ سال میں طلاق کی شرح 35فیصد بڑھی ہے۔ ادارہ شماریات کے مطابق ملک میں طلاق یافتہ خواتین کی تعداد 4لاکھ 99ہزارریکارڈکی گئی، گزشتہ 5 سالوں میں طلاق کی شرح میں 35 فیصد اضافہ دیکھا گیا ہے۔ ماہرین کا کہنا ہے کہ کہ خلع وطلاق خاندانی نظام کی کمزورظاہرکرتا ہے،بڑے ثالثی بنیں تو یہ شرح بہت حد تک کم ہوسکی۔اسلام آباد میں تنازعات کے حل کی مصالحتی کونسل بھی اپنا کردارادا کررہی ہے ،سپریم کورٹ کی وکیل شیریں کے مطابق کونسل ابتک 40 فیصد گھرٹوٹنے سے بچ گئے۔معاشرے میں خاندانی نظام بنیادی اکائی ہے ، میاں بیوی بھی تحمل اورمعاملہ فہمی سے رشتوں میں پڑنے والی دراڑوں کو ختم کرسکتے ہیں۔

کریڈٹ: انڈیپنڈنٹ نیوز پاکستان-آئی این پی