لاہور الیکٹرک سپلائی کمپنی (لیسکو) نے صارفین کو خبردار کیا ہے کہ جعلساز گروہ شہر میں سرگرم ہے جو صارفین کو جعلی معائنہ کے نوٹس اور رقم کا مطالبہ کرکے نشانہ بنا رہا ہے۔لیسکو حکام کے مطابق یہ واقعہ اس وقت سامنے آیا جب گھریلو اور کمرشل صارفین کو خاص طور پر لاہور کے گھروں میں بجلی کے معائنے کے متعدد نوٹس بھیجے گئے۔متعدد صارفین کو جعلی "انسپکشن ٹیم کے نام سے جاری کردہ دھوکہ دہی کے نوٹس موصول ہوئے ہیں۔ یہ نوٹس جھوٹا دعوی کرتے ہیں کہ صارفین کے بجلی کے میٹر خراب ہیں اور انتباہ کرتے ہیں کہ ان کے بلوں پر اضافی چارجز لاگو ہوں گے۔جعلی نوٹسز میں موبائل فون نمبر بھی شامل ہیں جس میں وصول کنندگان کو نام نہاد معائنہ کاروں سے رابطہ کرنے کی ہدایت کی گئی ہے۔ایک بار رابطہ کرنے کے بعد، صارفین پر دبا ڈالا جاتا ہے کہ وہ مختلف موبائل ایپلی کیشنز کے ذریعے اس مسئلے کو حل کرنے یا جرمانے سے بچنے کے لئے بڑی رقم منتقل کریں۔حکام نے شہریوں پر زور دیا ہے کہ وہ محتاط رہیں اور کوئی بھی کارروائی کرنے سے پہلے اس طرح کے نوٹس کی براہ راست محکمہ بجلی سے تصدیق کریں۔

کریڈٹ: انڈیپنڈنٹ نیوز پاکستان-آئی این پی