امریکا کے سابق سفیرزلمے خلیل زاد نے سماجی رابطے کی ویب سائٹ ٹوئٹرپراپنے بیان میں کہا کہ آنے والے دنوں میں پی ٹی آئی پرپابندی لگنے والی ہے،ایسے اشارے مل رہے ہیں کہ پارلیمنٹ سپریم کورٹ سے عمران خان کو نا اہل قرار دلوانے کا مطالبہ کریگی،زلمے خلیل زاد نے کہا کہ آئی ایم ایف کی حمایت تاحال مشکوک ہے اگرحکمران اتحاد نے کوئی ایسے اقدامات کیے توپاکستان کیلئے عالمی تعاون کم ہو جائیگا،سابق امریکی سفیر نے سیاسی تقسیم اورتشدد بڑھنے کابھی خدشہ ظاہر کیا ہے۔انہوں نے امید ظاہر کی ہے کہ پاکستانی سیاسی رہنما قومی مفاد کو نقصان پہچانے والی تباہ کن سیاست سے آگے کا سوچیں گے،اگرایسا نہیں ہوتا تو مجھے امید ہے سپریم کورٹ ایسے کھیل میں استعمال ہونے سیانکار کردیگی،زلمے خلیل زاد نے کہا کہ پاکستان کے بارے میں میری تشویش بڑھتی جارہی ہے۔

کریڈٹ: انڈیپنڈنٹ نیوز پاکستان-آئی این پی