ترکیہ اور شام میں 7.9 شدت کے زلزلے نے تباہی مچا دی ، متعدد بلند و بالا عمارتیں زمیں بوس ہو گئیں ، شدید زلزلے سے ترکیہ میں ہلاکتیں 700 سے تجاوز کر گئیں جبکہ شام میں بھی 100 سے زیادہ ہلاکتیں ریکارڈ کی گئیں ، تباہ کن زلزلے سے سینکڑوں افراد کے ملبے تلے دبے ہونے کی اطلاعات ہیں ، عالمی میڈیا کے مطابق 6 فروری بروز پیر علی الصبح4 بجے ترکیہ کی 100سالہ تاریخ کا سب سے بڑا زلزلہ آیا ، امریکی جیولوجیکل سروے کے مطابق زلزلے کی شدت 7.8ریکارڈ کی گئی ہے، زلزلے کا مرکز ترکیہ سے 23کلومیٹر جنوب میں تھا، جبکہ گہرائی 17.9کلومیٹر تھی، زلزلے کے شدید ترین جھٹکے ایک منٹ تکجبکہ آفٹر شاکس تقریبا 11منٹ بعد محسوس کئے گئے،زلزلے کے جھٹکے قبرص، یونان، اردن، لبنان، جارجیا اور آرمینیا میں بھی محسوس کئے گئے، زلزلے کے خوف لوگ سڑکوں پر نکل آئے، شدیدزلزلے سے ترکیہ کے کہرمان، عثمانیہ، ملاطیا، دریار بکر سمیت 10شہر زیادہ متاثر ہوئے، عالمی میڈیا کے مطابق ترکیہ میں شدید زلزلے کے باعث 700 کے قریب جبکہ شام میں 100 سے زائد افراد کی ہلاکتیں ریکارڈ کی گئی ہیں، شدید زلزلے سے کئی عمارتیں بھی ملبے کا ڈھیر بن گئیں، تباہ کن زلزلے کے بعد بڑے پیمانے پر امدادی سرگرمیاں شروع کر دی گئیں ہیں

،ترکیہ میں شدید زلزلے سے عمارتوں کو شدید نقصان پہنچا، زلزلے کے خوف لوگ سڑکوں پر نکل آئے، امریکی جیولوجیکل سروے کے مطابق زلزلے کی شدت 7.9ریکارڈ کی گئی ہے،ترک میڈیا کے مطابق زلزلے کے شدید ترین جھٹکے ایک منٹ تک محسوس کیے گئے، زلزلے کا مرکز ترکیہ سے 23کلومیٹر جنوب میں تھا، جبکہ گہرائی 17.9کلومیٹر تھی، زلزلہ مقامی وقت کے مطابق رات سوا 4بجے آیا، جب بیشتر لوگ سوئے ہوئے تھ ، ریسکیو ٹیموں کے علاوہ مقامی افراد بھی ملبے تلے دبے افراد کو تلاش کر رہے ہیں،زلزلے سے کہرمان، عثمانیہ، ملاطیا، دریار بکر سمیت 10شہر زیادہ متاثر ہوئے، زلزلے کے جھٹکے ترکیہ کے وسطی علاقوں میں بھی محسوس کئے گئے جن کی شدت.9 7ریکارڈ کی گئی، آفٹر شاکس تقریبا 11منٹ بعد محسوس کئے گئے،زلزلے کے جھٹکے قبرص، یونان، اردن، لبنان، جارجیا اور آرمینیا، فلسطین میں بھی محسوس کئے گئے،زلزلے کا مرکز ترکیہ سے جنوب میں غازی انتپ صوبے کے علاقے نرداگی میں تھا،7.9 شدت کے تباہ کن زلزلے سے آخری اطلاعات کے مطابق ترکیہ میں 700 کے قریب ہلاکتیں جبکہ شام میں 100 سے زائد افراد ہلاک ہو گئے، زلزلے کے بعد غازی انتپ اور حاطے ائیرپورٹ پر سول پروازیں معطل کردی گئی ہیں،اس کے علاوہ ترک صدر طیب اردون نے ملک میں ہولناک زلزلے کے بعد ایمرجنسی کا اعلان کردیا ہے،ترک صدر طیب اردون نے زلزلے سے متاثر تمام شہریوں کے لیے نیک خواہشات کا اظہار کرتے ہوئے کہا ہے کہ امید ہے کہ جلد از جلد اور کم سے کم نقصان کے ساتھ مل کر اس آفت سے نکل جائیں گے

،ترک میڈیا کے مطابق زلزلے کے باعث ترک صوبہ حاطے میں قدرتی گیس پائپ لائن میں آگ بھڑک اٹھی، احتیاطی تدابیر کے طور پر حاطے میں قدرتی گیس کی فراہمی روک دی گئی ہے۔ تباہ کن زلزلے کے بعد امریکہ، برطانیہ ،روس، چین ، پاکستان آذربائیجان سمیت متعدد ممالک نے ترکیہ میں امدادی سامان بھیجنے اور امدادی کاموں کے لئے ریسکیو ٹیمیں بھیجنے کا اعلان کیا ہے ، آذر بائیجان نے ترکیہ کے میں 7.9کی شدت کے زلزلے سے متاثرہ علاقوں میں امدادی کاموں کے لئے فوری طور پر 370افراد پر مشتمل سرچ اینڈ ریسکیو ٹیم ترکیہ روانہ کر دی ہے جبکہ امریکہ نے بھی زلزلے سے متاثرہ علاقوں میں انفراسٹرکچر کی بحالی کے لئے امداد کا اعلان کیا ہے، آذربائیجان کی وزارت کی طرف سے جاری کردہ بیان میں کہا گیا ہے کہ صدر الہام علی ایف نے ترکیہ میں آنے والے شدید زلزلے میں مددگار ہونے کے لیے امدادی ٹیم کو ترکیہ روانہ کرنے کے احکامات جاری کیے ہیں،دوسری جانب امریکا کے قومی سلامتی کے مشیر جیک سلیوان نے کہا ہے کہ امریکا ترکیہ میں آنے والے زلزلے کے حوالے سے تمام ضروری مدد فراہم کرنے کے لیے تیار ہے، امریکی صدرجو بائیڈن نے امریکی ایجنسی برائے بین الاقوامی ترقی اور دیگر وفاقی حکومت کے شراکت داروں کو ہدایت کی ہے کہ وہ زلزلے سے سب سے زیادہ متاثر علاقوں کے لوگوں کی فوری امداد کریں،انہوں نے اپنے بیان میں کہا کہ امریکہ ترک حکومت کے ساتھ صورتحال پر گہری نظر رکھے ہوئے ہے اور حالات کا جائزہ لے رہے ہیں۔

کریڈٹ: انڈیپنڈنٹ نیوز پاکستان-آئی این پی